READ NEPALI POEMS ONLINE
NEPALI POEM ANTIM KAVITA (अन्तिम कविता) BY ASWIN LAKANDRI
अश्विन लकान्द्री
अन्तिम कविता
आज जीवनको यो मोडमा
विचलित भई बाँचिरहेछु।
आफैदेखि म यहाँ
भाग्न खोजिरहेछु।
आफ्ना दुःख मर्म सबै
कविता बनी पोखियो
तर म कस्तो अभागी
लेख्ने क्रममा जीवन टुङ्गियो ।
मनमनै कतिपय भावना सँगाली
आज मेरो अन्तिम कविता रचिरहेछु
मदेखि टाढो भागेको पल सम्झी
अन्तिम उपहार कोरिरहेछु।
(adsbygoogle = window.adsbygoogle || []).push({});
मुटु ढुकढुकी छ तर
त्यसको कुनै अर्थ छैन
मेरो हर धड़कन कोही थियो
तर आज टाढा गयो।
निर्जन जीवन मलाई दिई
अर्कै खुशी बटुल्ने भयो ।
छोड़ी गयौ अन्धकारमा मलाई
आँसीको रात दिई
निष्ठुरी भयौ किन तिमी?
निको नहुने आघात दिई ।।
READ HUNDREDS OF NEPALI POEM ONLINE AT SEARCHDARJEELING.COM
SEND US YOUR POEMS/STORIES/ARTICLES AT sandeep.khati86@gmail.com